Fecoht Informa

Fecoht Informa

08 noviembre 2012

Asamblea Hosteleria e Comercio Vario e Alimentación A Coruña Lunes 12 Noviembre a las 21:30


 

A TODOS OS TRABALLADORES E TRABALLADORAS
 
DO COMÉRCIO E HOSTALERIA DA CORUÑA
 

 
Como xa sabedes, desde hai dous anos no caso do sector da hostaleria, e un ano no caso do Comércio Vário e do Comércio Alimentación, cada un destes convenios colectivos se atopa vencido, e polo tanto sen suba salarial e sen que as mesas de negociación estean constituidas. Esta non é unha situación casual, xa que estes tres convenios carecen de clausulas de ultravixencia que garantan a continuidade do convenio máis alá da sua vixencia. 

Como tamén xa sabedes, desde a entrada en vigor da actual reforma laboral, a vixencia dos convenios unha vez finalizados, é de tan só un ano. Isto significa que os e as traballadoras da hostaleria, do comercio vario e do comercio alimentación poden deixar de estar regulados por un convenio a partir de xullo do ano 2013. A non aplicación de nengunha norma, e ao carecer de convenios superiores que fixen salario e condicións sociais mínimas, implica o risco de pasar a cobrar 641,41 euros mes, con duas pagas extras, non ter prestación ao 100% en caso de IT, días de asuntos propios, calendarios laborais, etc.

Estamos sen dúbida, diante da maior agresión á Clase Traballadora desde o final da dictadura no estado español. E corremos o grave risco de perder todos os direitos acadados nos últimos 40 anos. Só hai que imaxinarse ir a traballar por 600 euros limpos ao mes a xornada completa. 

As tres centrais sindicais maioritarias, CIG, CCOO e UGT, en vistas da situación, decidimos convocar unha asemblea destes tres sectores conxuntamente, para falar de que é o que imos facer, tanto para garantir a supervivencia dos nosos convenios como na xornada de folga xeral do dia 14 de novembro. E queda claro que imos ter que movilizarnos. Por iso é bó acumular forzas nestes momentos, e xuntar aos sectores que teñen máis posibilidades de que os seus convenios desaparezan.

As asembleas serán o Luns 12, ás 21:30 horas, e abertas a todos e todas as traballadoras dos tres sectores.

En Compostela, será no Hotel Peregrino, en Santa Marta, o luns 12 de novembro ás 21:30 horas.

ACUDE E PARTICIPA!!!

No hay comentarios:

Publicar un comentario