AGRADECEMENTOS AOS COMPAÑEIROS E COMPAÑEIRAS DE
CARREFOUR ALFONSO MOLINA
Desde a Sección Sindical de CCOO de Carrefour, queremos
agradecer a todos os compañeiros e compañeiras, que no día de onte, 29 de
xaneiro, participaron na concentración que levamos a cabo na entrada do noso Hipermercado.
Aos que, na súa media hora de descanso, ou adiantando a hora de entrada, ou
incluso a aquelas e aqueles que aínda traballando de tarde, fixeron acto de
presenza na protesta, e como non tamén aos que nos viñeron a dar o seu apoio
desde outros centros de traballo. Estendemos este agradecemento a todas e a
todos os que lles tivera gustado asistir, e que por distintas razóns(laborais
ou persoais) non o puideron facer.
Desde CCOO queremos que saibades que nos sentimos moi
orgullosos de representarvos no Comité
de Empresa, e que con estas accións, todos e todas amosámoslle á patronal que
aínda estamos vivos, que non estamos dispostos a tolerar máis abusos, máis
recortes sobre os nosos mini-dereitos.
E seguimos a manter un ‘NON’ á resignación.
Xa desde o ano 2009 vimos sufrindo recortes en todas as
parcelas das nosas condicións de traballo, primeiro coa aprobación dun Convenio
que, entre outras cousas, quitábanos o dereito a cobrar o 100% das baixas por
IT,despois co acordo de modificación substancial das
nosas condicións de traballo, por último coa aplicación do Artigo 41 do ET, e
xa para rematala este ano, cunha plataforma de convenio colectivo, que de
aprobarse faríanos regresar practicamente aos tempos do franquismo.
Reiterar de novo o noso máis sincero agradecemento a
todas e a todos pola vosa participación maioritaria nesta denuncia pública.
XUNTOS PODEMOS
!!!
Grazas Compañeiros, Grazas
Compañeiras.
ADIANTE, NIN UN PASO ATRÁS!!!
No hay comentarios:
Publicar un comentario